ప్రపంచ విజేత టీమిండియా! న్యూజిలాండ్‌పై ఘనవిజయం - మూడోసారి టీ20 వరల్డ్ కప్ కైవసం.

భారత క్రికెట్ చరిత్రలో మరో ఘనవిజయం . 2026 టీ20 వరల్డ్ కప్ ఫైనల్లో భారత్ 96 పరుగుల భారీ తేడాతో న్యూజిలాండ్‌ను చిత్తు చేసి, మూడోసారి ప్రపంచ కప్‌ను ముద్దాడింది. అహ్మదాబాద్‌లోని నరేంద్ర మోదీ స్టేడియంలో జరిగిన ఈ మ్యాచ్‌లో భారత్ మొదట బ్యాటింగ్ చేసి, నిర్ణీత 20 ఓవర్లలో 255/5 పరుగుల భారీ స్కోరు సాధించింది. సంజు శాంసన్ కేవలం 46 బంతుల్లో 89 పరుగులతో వీరవిహారం చేయగా, అభిషేక్ శర్మ (52), ఇషాన్ కిషన్ (54) మెరుపు ఇన్నింగ్స్‌లతో ఆకట్టుకున్నారు. అనంతరం 256 పరుగుల భారీ లక్ష్యంతో బరిలోకి దిగిన న్యూజిలాండ్, భారత బౌలర్ల ధాటికి 159 పరుగులకే కుప్పకూలింది. జస్ప్రీత్ బుమ్రా 4 వికెట్లతో ‘ప్లేయర్ ఆఫ్ ది మ్యాచ్’గా నిలవగా, అక్షర్ పటేల్ 3 వికెట్లతో ప్రత్యర్థి నడ్డి విరిచారు. ఈ గెలుపుతో టీ20 వరల్డ్ కప్ టైటిల్‌ను వరుసగా రెండుసార్లు గెలిచిన మొదటి జట్టుగా భారత్ రికార్డు సృష్టించింది.